Таатта Харбалааҕар — «Күөх ырай»

Бу күннэргэ Таатта Харбалааҕар «Күөх ырай» диэн экологическай паарка сүрэхтэниитэ буолла.

edersaas.ru

Харбалаах «Теплица» ТОС салайааччыта Диана Соломонова бу тэрээһин туһунан маннык сырдатта:

—  Гражданскай уопсастыба институттара  сайдыытын министиэристибэтин сыл аайы ыытар куонкуруһугар 2017 с. Харбалаах нэһилиэгэр «Күөх ырай» экологическай паарка тэрийэргэ туһаайыллыбыт грант суруйбуппут.

Онно кыайан, 1 мөл.солк. үбүлээһиҥҥэ тиксибиппит. Бу харчыны туһанан, экологическай паарканы оҥорон астыбыт.

Харбалаах нэһилиэгэ быйыл сайын халааҥҥа түбэһэн, улахан хоромньу тахсыбыта. Ону ол диэбэккэ, үгүс ыарахаттары көрсүбүттэрин үрдүнэн, Таатта Харбалааҕын уопсастыбынньыктара нэһилиэктэрин тупсарар туһугар үгүс хайысхалаах үлэни ыыталлара хайҕаллаах суол.

Елена ПОТОЦКАЯ, «Саха сирэ» хаһыат, edersaas.ru