Алексей Колодезников бастакы вице-премьеринэн хаалла

Бүгүн Ил Түмэн иккис пленарнай мунньаҕар дьокутааттар Ил Дархан бастакы вице-премьеринэн Алексей Колодезниковы аныырын сөбүлэһэллэрин биллэрдилэр. Саха Өрөспүүбүлүкэтин Төрүт Сокуонунан Ил Дархан бырабыыталыстыба бэрэссэдээтэлин уонна кини солбуйааччыларын хайаатар да Ил Түмэнинэн бигэргэттэриэхтээх.

Алексей Засимович 2016 с. бастакы вице-премьерынан үлэлиир. Кини энергетика, олох-дьаһах, коммунальнай хаһаайыстыба, тырааныспар, суол-иис, нэһилиэнньэҕэ куттал суох буолуутун, о.д.а. эйгэлэринэн дьарыктанар. Бу дуоһунаска ананыан иннинэ кини Олох-дьаһах, коммунальнай хаһаайыстыба миниистиринэн үлэлии сылдьыбыта.

Ыспыраапка:
Колодезников Алексей Засимович
1974 с. тохсунньу 1 күнүгэр Томпо улууһун Дьабарыкы Хайа бөһүөлэгэр төрөөбүтэ;
1991-1996 сс. – Санкт-Петербурдааҕы судаарыстыбаннай горнай институкка үөрэммитэ;
1996-1998 сс. – “Якутуголь” Дьабарыкы Хайа шахтатыгар инженер-программиһынан, маастарынан, учаастак начальнигын солбуйааччынан, инженеринэн үлэлээбитэ;
1998-2003 сс. – Федеральнай казначейство управлениетын Томпотооҕу отделениетын салайааччыта;
2003-2007 сс. – Томпо улууһун баһылыгын бастакы солбуйааччы;
2007-2009 сс. – Мирнэй оройуонун Айхал бөһүөлэгин баһылыгын солбуйааччы, баһылыга;
2009-2011 сс. – СӨ сыанатын бэлиитикэтин судаарыстыбаннай кэмитиэтин бэрэссэдээтэлин бастакы солбуйааччы;
2011-2016 сс. – Олох-дьаһах, коммунальнай хаһаайыстыба миниистирэ;
2016 с. – СӨ бырабыыталыстыбатын бэрэссэдээтэлин бастакы солбуйааччы.

Аграфена КУЗЬМИНА, edersaas.ru

0
0

Добавить комментарий

Ваш e-mail не будет опубликован. Обязательные поля помечены *