Дүллүкүлэр этнографическай диктант суруйдулар

Бу күннэргэ  Арассыыйа үрдүнэн «Этнографическай диктаны» суруйуу аахсыйата ыытылла турар. Бүгүн Үөһээ Бүлүү улууһун Дүллүкү нэһилиэгин орто оскуолатыгар учууталлар, олохтоохтор этнографическай диктаны суруйдулар.

edersaas.ru

Бүтүн Арассыыйатааҕы аахсыйаҕа  Үөһээ Бүлүүтээҕи үөрэх управлениетын начаалынньыга Спиридон Борбуев кыттыбытын туһунан маннык кэпсээтэ:- Дүллүкү оскуолатыгар 20 буолан диктант суруйдубут. Манна оскуола эрэ үлэһиттэрэ буолбакка, нэһилиэк олохтоохторо эмиэ кытыннылар. Холобур, нэһилиэк дьаһалтатыттан Клавдия Александровна Герасимова өрүү кыттар эбит. Ол аата дьон маннык хабааннаах аахсыйаларга кыттан, бэйэлэрин холонуон баҕаралларын туоһулуур. Бу сырыыга 30 ыйытыктаах тестирование буолла. Итинтэн 20-тэ дойду култууратын, историятын таарыйар, 10-на Саха сиригэр сыһыаннаах, ордук аҕыйах ахсааннаах хотугу норуоттар олохторугар-дьаһахтарыгар, култуураларыгар сыһыаннаахтар. Түмүкпүн долгуйа күүтэбин, ол эрээри, 100 баалтан 80-чаны ылбыт буолуохтаахпын диэн эрэнэбин.

Александр Тарасов, Үөһээ Бүлүү, edersaas.ru

0
0

Добавить комментарий

Ваш e-mail не будет опубликован. Обязательные поля помечены *