Дьааҥы оҕолоро торумнаах толкуйга киирсэллэр

Быйыл «Сүрэхпин оҕоҕо биэрэбин» диэн ох тыллар ааптардара, улуу новатор учуутал, учуонай В.А. Сухомлинскай төрөөбүтэ 100 сылын туолар. Үбүлүөйдээх кэми көрсө Үөһээ Дьааҥы оскуолаларыгар араас тэрээһиннэр ыытылыннылар.

---

Баатаҕай орто оскуолатын учуутала Ульяна Петровна Рожина «Үлэм биир сүрүн хайысхатынан оҕону дуобат уонна саахымат куруһуогар дьарыктаан, толкуйдуур, ырытар дьоҕурун сайыннарыы буолар», – диэн  этэр. Кини үөрэнээччилэрин ортолоругар дуобат күрэҕин тэрийдэ. Улахан тыҥааһыннаах оонньуу кэнниттэн кыайыылааҕынан Света Аммосова буолла. Иккис миэстэни Тускул Слепцов, үсүһү Аркаша Эверстов ыллылар. Бу оҕолор итини тэҥэ оройуоҥҥа ыытыллар күрэхтэр кыайыылаахтара буолаллар.

Элгэс орто оскуолатыгар В.А. Сухомлинскай айымньыларынан хоһоон күрэҕэ буолла. «Төрөөбүт оскуолабыт» диэн тиэмэҕэ кэпсээннэринэн, остуоруйаларынан инсценировка туруорулунна. 1-2-с кылаастар ортолоругар дуобакка турнир ыытылынна. Ол түмүгүнэн, маҥнайгы кылаас үөрэнээччитэ Саша Слепцов бастаата, иккис – Валентин Заборовскай, үһүс – Богдан Стручков буоллулар.

Ааптар: «Дьааҥы аартыга» хаһыат.