Горнайга «Үтүө санааланыы Харыйата» эстафета саҕаланна

Горнайга «Үтүө санааланыы Харыйата» эстафета саҕаланна

Бэрдьигэстээххэ улуус баһылыга Никита Андреев үтүө санааланыы эстафетатын коммунальнай хаһаайыстыба салайааччытыгар Владимир Васильев өйүүрүгэр ыҥырда. “Үтүө санааланыы Харыйата” аахсыйа улууска киэҥ биһирэбили ылан эрэр.


Горнай улууһугар Саҥа дьылга элбэх оҕолоох ыалларга көмөлөһөр, үөрүүнү бэлэхтиир инниттэн, “Үтүө санааланыы Харыйата” диэн аахсыйа ыытыллар. Бу үтүө дьыаланы ыччат политикатыгар, культураҕа уонна спорка агентствотын эдэр кэллэктиибэ тэрийэн ыытар.

“Үтүө санааланыы Харыйата” сэлиэнньэ киинигэр баар, “Рубикон” маҕаһыыҥҥа турда. Манна анал долбуурга үтүө санаалаахтар араас маҕаһыыннартан атыылаһан, эбэтэр бэйэлэрэ аҕалан, сэмэй бэлэхтэрин уураллар. Ону Саҥа дьылга Моруос оҕонньор элбэх оҕолоохторго дьиэлэригэр илдьэн туттарыа.

Билиҥҥи туругунан бу аахсыйаны көҕүлээччинэн Бэрдьигэстээх нэһилиэгин баһылыга Марк Сидорович Парфенов, улуус баһылыга Никита Викторович Андреев буоллулар. Н.В. Андреев бу үтүө санааланыы эстафетатын коммунальнай хаһаайыстыба салайааччытыгар Владимир Алексеевич Васильев өйүүрүгэр ыҥырда. Онон салайааччылар үтүө холобуру көрдөрдүлэр. Тэрийээччилэр салгыы Саҥы дьылга диэри кыттааччы ахсаана күннэтэ элбээн иһиэ диэн эрэнэллэр. Үтүө санааланыы аахсыйата салҕанар.

Ааптар: Күннэй Алексеева.

Добавить комментарий

Ваш e-mail не будет опубликован. Обязательные поля помечены *