Кэлэр сыл Сунтаар улууһугар Экология уонна нэһилиэнньэ доруобай буолуутун сылынан биллэрилиннэ

Кэлэр сыл Сунтаар улууһугар Экология уонна нэһилиэнньэ доруобай буолуутун сылынан биллэрилиннэ

 «Биир Ньыгыл Арассыыйа» Бүтүн Арассыыйатааҕы бэлитиичэскэй баартыйа Сунтаардааҕы салаата тэриллибитэ 15 сылын бэлиэтээтэ. Бу дьоро түгэни «биир ньыгыллар» бэҕэһээ «Бартыһаан» култуура киинигэр бэлиэтээтилэр. Үбүлүөйгэ аналлаах иһитиннэриини отделение сэкирэтээрэ, оройуон дьокутааттарын Сэбиэтин бэрэссэдээтэлэ Ульяна Попова оҥордо. 


«Биир Ньыгыл Арассыыйа» Бүтүн Арассыыйатааҕы бэлитиичэскэй баартыйа Сунтаардааҕы салаата 15 сыллаах үбүлүөйэ бэлиэтэннэ. Сунтаар улууһун баһылыга Анатолий Григорьев наҕараадалары туттартаата. СӨ социальнай-экономическай сайдыытыгар кылаатын, өр сыллаах таһаарыылаах үлэтин иһин «Саха Өрөспүүбүлүкэтин экэниэмикэҕэ туйгуна» бэлиэни оройуон дьокутааттарын Сэбиэтин бэрэссэдээтэлэ Ульяна Попова, олохтоох отделение 15 сылынан сибээстээн уонна өр сыллаах таһаарыылаах үлэлэрин, улуус социальнай-экономическай сайдыытыгар кылааттарын иһин Сунтаар улууһун Бочуотунай бэлиэтин «Биир Ньыгыл Арассыыйа» баартыйа Сунтаардааҕы олохтоох отделениетын исполкомун салайааччыта Борис Уларов, «Кириэстээх» ТХПК кылаабынай зоотехнига Августина Трифонова туттулар. Улууска «Биир Ньыгыл Арассыыйа» баартыйа үлэтин олоххо киллэрэргэ, уопсастыбаннай үлэҕэ туруулаах үлэлэрин иһин улуус баһылыгын 25 000 солк. суумалаах сэртипикээтинэн Сунтаар нэһилиэгин «Табыс», «Абаҕа», «Сомоҕо», «Туску» түөлбэлэр туттулар.

«Биир Ньыгыл Арассыыйа» баартыйа Дьокуускайдааҕы региональнай исполкомун уопсастыбаннай тэрээһинин координатора, Сунтаар улууһун куратора Наталия Захарова,  Сунтаардааҕы олохтоох отделение исполкомун салайааччыта Борис Уларов, бу отделениены тэрийсибит дьонтон биирдэстэрэ Александр Миронов, нэһилиэк баһылыктара эҕэрдэ тылларын эттилэр. Бу үөрүүлэх тэрээһиҥҥэ «Биир Ньыгыл Арассыыйа» баартыйа саҥа чилиэннэрэ  билиэттэрин туттулар. Сунтаар улууһун первичнэй отделениеларын бастыҥ сэкирэтээрдэрэ Валентина Романова (Күүкэй), Александр Попов (Устье), Ульяна Ераскумова (Туойдаах) наҕараадаланнылар, баартыйа үгүс чилиэннэрэ Сунтаардааҕы олохтоох отделение 15 сыллаах үбүлүөйүнэй бэлиэтин түөстэригэр иилиннилэр.


Тэрээһин түмүгэр Сунтаар улууһун баһылыга Анатолий Григорьев кэлэр 2019 сылы Сунтаар улууһугар Экология уонна нэһилиэнньэ доруобай буолуутун сылынан биллэрдэ.

Ааптар: Станислав Ноговицын

Добавить комментарий

Ваш e-mail не будет опубликован. Обязательные поля помечены *