Чурапчылар кэлэр сылга өрөспүүбүлүкэ, улуус хаһыаттарыгар көхтөөхтүк суруттардылар

Чурапчылар кэлэр сылга өрөспүүбүлүкэ, улуус хаһыаттарыгар көхтөөхтүк суруттардылар

Бүгүн Чурапчыга “Айылгы” сынньалаҥ киинигэр “Саҥа олох” эрэдээксийэтэ уонна “Почта России” тэрилтэ холбоһуктаах тэрээһиннэрэ буолла. Манна өрөспүүбүлүкэ, улуус хаһыаттыгар олохтоохтор көхтөөхтүк суруттардылар. 2019 сылга улуус хаһыатын кумааҕы эрэ барыйаанынан буолбакка электроннай көрүҥүн тутатына ааҕар буолуохтара.


 Сылын аайы ыытыллар хаһыат сурутуутугар быйыл улуустааҕы үөрэх салалтата, улуустааҕы бибилэтиэчинэй ситим киинэ, С.К. Макаров аатынан Чурапчы гимназиятын бибилэтиэкэтэ кыттыыны ыллалар. “Почта России” тэрилтэ оҕолорго анаан “Инники кэм почтата” диэн уруһуй куонкуруһун ыытта. Улуустан 70-тэн тахса оҕо кыттыыны ылла. Кыайыылаахтар, призердар махтал суругунан, сэмэй бэлэҕинэн наҕаарадананнылар.

“Саҥа олох” эрэдээксийэ, эрэдээктэр-дириэктэр эбээһинэһин толорооччу Людмила Горохова салайыытынан сурутуу квитанциятынан тута лотерея ыыттылар. Сүрүн бирииһи сүүйбүт, улуус киин бибилэтиэкэ сүрүннүүр исписэлииһэ Саргылаана Флегонтова маннык кэпсиир: “Өрөспүүбүлүкэ, улууспут хаһыатын сылын аайы биирдэ даҕаны көтүппэккэ суруттарабыт. Хаһыаттар олус интэриэһинэйдэр, биһиэхэ олус чугастар. Сүрүн бириискэ сахалыы иһит наборун сүүйэммин олуһун үөрдүм. 40 сааспар диэри тугу даҕаны лотореяҕа сүүйбэтэх киһиэхэ соһуччу түгэн буолла”.

АаптарСемен Жендринскэй

Добавить комментарий

Ваш e-mail не будет опубликован. Обязательные поля помечены *