Нам  Бастакы Хомустааҕар инбэлииттэр декадалара түмүктэннэ

Нам  Бастакы Хомустааҕар инбэлииттэр декадалара түмүктэннэ

Ааспыт нэдиэлэҕэ Бастакы Хомустаах инбэлииттэригэр анааллаах декада түмүктэннэ. Специалистары кытта көрсүһүү буолла, социальнай харалтаттан, налоговай уонна пенсионнай сулууспаттан, улуустааҕы балыаһаттан кэлэн «Төгүрүк остуол» тула түмсэн инбэлииттэр уонна пенсионердар туох өҥөнөн туһаныахтарын сөбүн сиһилии быһааран билиһиннэрдилэр, мунаарар ыйытыыларга толору хоруйдары биэрдилэр. Үксүн сир, дьиэ-уот, транспорт боппуруостара сытыытык турдулар.


Татьяна Березкина Хомустаахха инбэлииттэр «Үргэл» обществоларын бэрэссэдээтэлинэн үлэлээбитэ быһа холоон икки ый эрэ буолла. Бу үлэлиир кэмин устата инбэлииттэрин испииһэгин чөкөтөн, ыарахан доруобуйалаах инбэлииттэрин кэрийтэлээн, кыһалҕаларыгар көме буолан үлэтин таһаарыылаахтык саҕалаата.

Бастакы Хомустаахха уопсайа 78 инбэлиит баар эбит, онтон I группалаах инбэлиит ахсаана 9; II группалаах – 33; III группалаах – 32 киһи, бу уопсай ахсаантан – 4 оҕо. Манна олох араас охсууларытттан , ыарахан ыарыы содулуттан инбэлиит буолан, уустук олоҕу ааһан, бэйэ бэйэҕэ болҕомто, истиҥ сыһыан күүһэ эрэ олоххо тардыһыннарар. Ол курдук бу күн Л.Г. Парниковаҕа «За вклад развития МО» бочуоттаах знак туттарылынна, В.В. Шестаков, Д.И. Алексеев, П.Г. Аргунов спорт хайысхатыгар актыыбынайдык кытталларын иһин Бочуоттаах грамоталарынан наҕараадаланнылар. Ону таһынан быйыл үбүлүөйдээх дьонноругар нэһилиэк иһинээҕи инбэлииттэр обществота 80 саастарын туолбут Е.Е. Солдатоваҕа, Е.И. Федороваҕа, 70 саастарын туолбут Ф.А. Соловьевка, 50 саастарын туолбут А.П. Григорьевка, Л.Ф. Соловьеваҕа өйдебүнньүк бэлэх уонна «Э5эрдэ сурук» туттардылар. Бу күн инбэлииттэргэ биир үөрүүлээх сонун – «Үргэл» общество бэрэссэдээтэлэ туруорсуутунан 2019 сылга, сыл аҥарыгар — «Кыым», «Энсиэли», «Саха Сирэ», «Арчы», «Кэскил», «Чуораанчык» таһаарыыларга олохтоох тэрилтэлэр спонсордаан босхо сурутуу ананна. Көрсүһуу итии чээйдээх остуолун эмиэ тэрилтэлэр үллэстэн тэрийдилэр.

Ааптар: Л. МОСКВИТИНА — КОРЯКИНА

Добавить комментарий

Ваш e-mail не будет опубликован. Обязательные поля помечены *