Моруос оҕонньор уонна Хаарчаана Булуҥнааҕы киин балыыһаҕа ыалдьыттаатылар

Моруос оҕонньор уонна Хаарчаана Булуҥнааҕы киин балыыһаҕа ыалдьыттаатылар

Дьиэ  кэргэҥҥэ  уонна  оҕолорго көмөлөһөр  киин  сыл  аайы  Тиксии бөһүөлэгин  оҕолоругар  саҥа дьыллааҕы  кэһиилэри  туттарар үтүө  үгэстээх.  2019 сыл  буолуон  эрэ  иннинээҕи  күннэргэ  тэрилтэ  үлэһиттэрэ  улуустааҕы  киин  балыыһаҕа  эмтэниини  ааһа  сылдьар  оҕолорго ыалдьыттаабыттарын  тэрилтэ  педагог-­психолога  Мария  Федорова кэпсээтэ.


2018  сыл  түмүктэнэр  күннэригэр, Саҥа  дьыллааҕы  бырааһынньык  кэмигэр,  Булуҥнааҕы  киин  балыыһаҕа киирбит  түөрт  оҕону  Моруос  оҕонньор  уонна  Хаарчаана  кэлэннэр  эҕэрдэлээтилэр, бэлэх туттардылар.

Улуустааҕы  киин  балыыһаҕа өссө  эбии  уонча  бэлэҕи  хаалларбыппыт. Ол күн балыыһаҕа ыалдьыттыырбытыгар,  түөртэн  иккитэ  оскуола  үөрэнээччилэрэ.  Кыыс  бэйэтэ  айбыт,  онтон  уол үөрэппит хоһооннорун наһаа үчүгэйдик дорҕоонноохтук аахпыттара”,– диэн Мария Николаевна кэпсиир.

Ону  таһынан,  дьиэ  кэргэҥҥэ  уонна  оҕолорго  көмөлөһөр  киин  Култуурнай-­спортивнай  комплекска оҕолорго  Саҥа  дьыллааҕы  бырааһынньык тэрийбит. Үөрүүлээх чааска  55  оҕо  кыттыыны  ылбыт. Чысхаан,  Моруос  оҕонньор  сиэн кыргыттарынаан  эҕэрдэ  тылларын эппиттэр. Кэлээччи ыалдьыт оҕолорго минньигэс  кэмпиэттэри  таһынан оонньуурдары  туттарбыт.  Бу күн  КСК  үлэһиттэрэ  саҥа  дьыллааҕы оонньуу көрдөрбүттэр, араас күрэхтэр ыытыллыбыттар.

Ааптар: Харысхан ПОПОВ

Хаартыска Мария Федорова тиэрдиитэ

Добавить комментарий

Ваш e-mail не будет опубликован. Обязательные поля помечены *