Эбээн Бытантайга тапталлаахтар күннэригэр саҥа ыал эбилиннэ

Эбээн Бытантайга тапталлаахтар күннэригэр саҥа ыал эбилиннэ

Быйыл 2019 сыл Эбээн Бытантай улууһугар чөл олох сыла биллэриллибитэ. Бу үүммүт сылга улууска бастакынан тапталлаахтар күннэригэр эдэр ыал сүрэхтэрин холбоотулар.


Бу үөрүүлээх  күнү улуустааҕы ЗАГС салаатын салайааччыта Любовь Аверенская эдэр ыалга алгыс тылларын, баҕа санааларын этэн, Ольгалаах Вадим сөбүлэһэллэрин ыйытан, кэргэннии буолууну бэлиэтиир кыһыл көмүс биһилэхтэри туттарда. Ону кытта Гороховтар диэн саҥа сылга саҥа эдэр ыал эбиллибитин туоһулуур суругу туттарда.

Улуус баһылыгын солбуйааччыта Раиса Старостина, ОдьКХ кэллэктиибин аатыттан Сарыал Петров, үөрэҕирии салалтатын аатыттан Маргарита Сизых, улуус эдэр ыччатын сүбэтин аатыттан Екатерина Николаева эдэр ыалы эҕэрдэлээн, сэмэй бэлэхтэрин туттардылар. Дьоро киэһэни саҥа ыал бытаан үҥкүүнэн түмүктээтилэр.

Автор: Марианна Слепцова