Саха сирэ М.В.Ломоносов аатынан университеты кытта бииргэ үлэлэһиэҕэ

Оробуочай сырыытын кэмигэр Саха сирин бырабыыталыстыбатын бэрэссэдээтэлэ Владимир Солодов Саха Өрөспүүбүлүкэтин уонна М.В.Ломоносов аатынан Москватааҕы  судаарыстыбаннай университеты кытта наука уонна үрдүк үөрэхтээһин эйгэлэригэр бииргэ үлэлээһини сайыннарыыны дьүүллэстэ. 

edersaas.ru

“Ломоносов аатынан Москватааҕы судаарыстыбаннай университет – дойду сүрүн үөрэҕин уонна наука үөрэҕин кыһата, ол иһин Саха сирэ бииргэ үлэлэһиитэ ураты суолталаах. Биһиги өрөспүүбүлүкэ учуонайдарын уонна МГУ наукатын оскуолаларын салайааччыларын кытта кэккэ сэминээрдэри ыыттыбыт уонна тутаах хайысхаларга куруук үлэлиир наука бөлөхтөрүн тэрийиэхпит. Бу туох-ханнык иннинэ, экология хайысхата, ирбэт тоҥу үөрэтии, мэдиссиинэ, саҥа матырыйааллар, үөрэхтээһиҥҥэ уйулҕаны чинчийии уонна экэниэмикэ уонна инновация сайдыыта. Бу сайыҥҥа диэри бииргэ үлэлээһин туһунан сөбүлэһиини бэлэмниэхпит”, — диэтэ өрөспүүбүлүкэ премьерэ Владимир Солодов.

Өрүттэр бу тутаах хайысхаларга олоҕуран Саха сирин Ил Дархана уонна МГУ ректора Виктор Садовничай көрсүһүүлэрин бэлэмниэхтэрэ.

Маны сэргэ кэпсэтиигэ Саха сирэ кэнники сылларга IT-технологиялар, креативнай индустрия киининэн буолара бэлиэтэннэ. Маныаха хамсатыылаах түмүктэргэ нэһилиэнньэ ахсаана намыһаҕа уонна уустук усулуобуйаҕа олороллоро харгыстары үөскэтэр. Бу чинчийии түмүгүнэн өрөспүүбүлүкэ наукатын уопсастыбаннаһа МГУ экэниэмикэҕэ факультетын кытта научнай бырайыагы бэлэмнииллэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин бырабыыталыстыбатын пресс-сулууспата

 

0
0

Добавить комментарий

Ваш e-mail не будет опубликован. Обязательные поля помечены *