ХИФУ докумуоннары бэс ыйын 20 күнүттэн тутан саҕалыаҕа

М.К.Аммосов аатынан Хотугулуу-Илиҥҥи федеральнай университет 2019-2020 үөрэх дьылыгар докумуоннары бэс ыйын 20 күнүттэн тутан саҕалыаҕа.

edersaas.ru

Ити бакалавриат, специалитет, магистратура бырагыраамаларыгар. Онтон аспирантураҕа уонна ординатураҕа от ыйын 1 күнүттэн саҕаланыаҕа. Ити туһунан, “Саха сирэ” хаһыат уонна Хотугулуу-Илиҥҥи федеральнай университет кыттыгас ыытар “быһа сибээһин” кэмигэр проректор Михаил Федоров иһитиннэрдэ. Кэлэр үөрэх дьылыгар, уопсайа, 3527 бүддьүөт миэстэтэ көрүллүбүт.

 

Хас бүддьүөт миэстэтэ көрүллүбүтүй?

Күнүскү үөрэххэ:

Орто анал үөрэххэ – 225

Бакалавриакка – 1497

Специалитекка – 565

Магистратураҕа – 592

Аспирантураҕа – 53

Ординатураҕа – 174

Күнүскү/кэтэхтэн үөрэххэ:

Магистратураҕа – 41

Кэтэхтэн үөрэххэ:

Бакалавриакка – 313

Специалитекка – 13

Магистратураҕа – 54

 

Инньэ гынан, уопсайа, ХИФУ филиалларын ааҕан туран 3527 бүддьүөт миэстэтэ (былырыын 3423) көрүллүбүт. Холобур, 2009 сылы кытта тэҥнээн көрдөххө, 34 %-нан, ол эбэтэр, 1016 миэстэнэн эбиллибит.

 

Туох докумуоннар ирдэнэллэрий?

ХИФУ туттарсарга маннык докумуоннар ирдэнэллэр:

  1. Пааспар куоппуйата (булгуччу)
  2. Аттестат/диплом куоппуйата эбэтэр дьиҥнээҕэ (булгуччу)
  3. Мэдисиинискэй ыспыраапка (086у/302н) куоппуйата эбэтэр дьиҥнээҕэ
  4. Быһыы (прививка) туһунан сэртипикээт куоппуйата
  5. Хаартыска 3х4 кээмэйдээх 4 устуука
  6. ИНН куоппуйата
  7. СНИЛС куоппуйата
  8. Байыаннай билиэт/приписной дастабырыанньа куоппуйата

Ону таһынан баар буоллаҕына:

  1. Тус сыаллаах үөрэниигэ (о целевом обучении) дуогабар куоппуйата (өскөтүн тус сыаллаах квотанан үөрэххэ киирэр түгэҥҥэ)
  2. Туспа быраабынан туттарсыыны туоһулуур докумуоннар (инбэлиит оҕолор, I уонна II группалаах инбэлииттэр, оҕо эрдэхтэриттэн инбэлииттэр, байыаннай оһол эбэтэр байыаннай сулууспа кэмигэр ыалдьан инбэлиит буолбут дьон, тулаайах оҕолор уонна төрөппүт көрүүтэ суох хаалбыт оҕолор, од.а.)
  3. Тус ситиһиини бигэргэтэр докумуоннар.

 

Людмила ПОПОВА, “Саха сирэ” хаһыат, edersaas.ru

Светлана ПАВЛОВА хаартыскаҕа түһэриитэ. ХИФУ сайтыттан.

 

0
0

Добавить комментарий