Маҥанылар үбүлүөйдээх ыһыахтарын көрсө күүрээннээх үлэҕэ туруннулар

Маҥанылар үбүлүөйдээх ыһыахтарын көрсө күүрээннээх үлэҕэ туруннулар

Быйыл биллэрин курдук Маҥаны нэһилиэгин төрүттэммитэ 125 сыла, ол чэрчитинэн улуустааҕы ыһыах Бэс ыйын 25-26 күннэригэр Орто-Сурт нэһилиэгэр буолар. Дьон-сэргэ көхтөөх үлэҕэ түмсэн, хаалбыт күннэри баттаһа түһүлгэ тутууларыгар турунна.


Маҥаны нэһилиэгэ үбүлүөйдээх сылга араас хабааннаах тэрээһиннэри ыытта. Билигин ыһыахха бэлэмнэнии күүстээхтик бара турар. Нэһилиэк олохтоохторо бары турунан түөлбэлэринэн, түмсүүлэринэн субуотунньуктарга тахсаллар. Араас хабааннаах аахсыйалар ыытылла тураллар, холобур ким кыраасканан, ким аһынан, ким оскуоманан, ким төһө кыахтааҕынан көмө оҥорор.

Нэһилиэк пааркатыгар ЖКХ кэлэктиибин үлэһиттэрэ балаҕаны, беседкалары, аҕалар түмсүүлэрэ улахан сыананы, дьон олорор сирин тута сылдьаллар. Тэрилтэлэр эр дьоно эмиэ сыана, күрүө-хаһаа тутуутугар күүс-көмө буоллулар. Дьахталлар түмсүүлэрэ панно, сүүмэх оҥоруутугар, кыл-сиэл хатыытыгар, кырааска улэтигэр сылдьаллар. Олохтоох дьаһалта иһинэн волонтёр лааҕыр оҕолоро эмиэ көмөлөрө үгүс. Улахан кылаас оҕолоро субуотунньуктарга кыттыһаллар.

«Кустук» оҕо уһуйаанын, С. И. Тимофеев-Кустуктаанап аатынан орто оскуола кэлэктииптэрэ нэһилиэк төрүттэммитэ 125 сылынан харчынан көмө оҥордулар.

Сынньалаҥ киинигэр бэлэмнэниилэр, таҥас-сап тигиитэ күргүөмнээхтик бара турар. Ону таьынан, олохтоохтор, Маҥаныттан төрүттээхтэр араас күрэхтэргэ харчынан, араас бириистэринэн, ньирэй, убаһа туруоралларын биллэрдилэр.

Бу хаалбыт күннэргэ бары түмсэммит нэһилиэкпит үбүлүөйдээх сылыгар ыытыллар Үрүҥ тунах ыһыахпытын өрө көтөҕүллүүлээхтик ыытыаҕыҥ! Улууспут олохтоохторун Бэс ыйын 25-26 күннэригэр Мааны Маҥаны ыһыаҕар күүтэбит, — дииллэр тэрийээччилэр.

Ааптар: Анастасия Максимова

Добавить комментарий

Ваш e-mail не будет опубликован. Обязательные поля помечены *