Солоҕоҥҥо Голландия учуонайа баһаар буолбут ойуурун кэлэн көрдө

Солоҕоҥҥо Голландия учуонайа баһаар буолбут ойуурун кэлэн көрдө

Сахабыт сиригэр ойуур баһаара айылҕаҕа улахан буортуну оҥорор, хоромньуну таһаарар дьайыытын үөрэтэ, чинчийэ Солоҕоҥҥо омук сирин учуонайдара кэлэн бардылар. Бөлөх былырыын нэһилиэккэ уот турбут сирин көрдө.


Бэс ыйын 13 күнүгэр, Солоҕоҥҥо Голландия учуонайа, Амстердам университетын доцена Сандер Веравербеке, ИБПК СО РАН аспирана Роман Егорович Петров уонна кинилэри салайан илдьэ сылдьар ХИФУ профессора, ИБПК СО РАН лабораториятын сэбиэдиссэйэ, биологическай наука доцена, ытыктанар мелодист Христофор Максимов уола Трофим Христофорович Максимов кэлэн бардылар. Кинилэр сүрүн сыалларынан былырыын нэһилиэккэ буолбут баһаар сирин көрүү, чинчийии.

Сандер Веравербеке бэйэтэ бельгиец. Кини ойуур баһаардарын кэнниттэн,  климат уларыйыытын кэтээн көрөр учуонай. Баһаар буолбут сириттэн элбэх углекислай гаас уонна метан тахсарын, салгынын үөрэтэр.

От ыйын 29 күнүттэн атырдьах ыйын 9 күнүгэр диэри Солоҕоҥҥо Франция, Бельгия, Германия, Америка, Голландия уонна Россия учуонайдара кэлэллэрэ былааннанар.

Ирбэт тоҥу саамай тутан турааччы ойуур буолар. Баһаар ирбэт тоҥҥо дьайыытын, үүнээйи, от-мас кэхтиитин, састаабын уларыйыытын, углекислай гаас уонна метан төһө тахсарын, салгынын үөрэтиэхтэрэ-чинчийиэхтэрэ.

Маннык чинчийии өссө Кэбээйи Батамайыгар ыытыллыаҕа.

Ааптар: Анна Дормидонтова

Добавить комментарий

Ваш e-mail не будет опубликован. Обязательные поля помечены *