Уус Алданнааҕы ойуур ресурсатын тэрилтэтэ баһаары утары охсуһарга бэлэм

Уус Алданнааҕы ойуур ресурсатын тэрилтэтэ баһаары утары охсуһарга бэлэм

«Саха сиринээҕи ойуур ресурсата» государственнай автономнай тэрилтэ Уус Алданнааҕы филиала быйылгы сезоҥҥа этэҥҥэ үктэннэ. Былырыын оройуоҥҥа баһаар ыам ыйын 27 күнүгэр Бороҕон бөһүөлэгин аттынааҕы сытар алаастан саҕаламмыта.


Билиҥҥи кэмҥэ Уус Алданнааҕы филиал үлэһиттэрэ тиэхиньикэлэрин өрөмүөннүү, туттар сэптэрин-сэбиргэллэрин наардыы сылдьаллар. Баһаар буолла эрэ тута тахсарга бэлэм олороллор.

Улуустааҕы ойуур ресурсатын тэрилтэтигэр  саҥа “Сайгак” камаас, “Фермер” УАЗ массыыналары ылбыттар. Бары тиэхиньикэлэр үлэлиир туруктаахтар диэн тэрилтэ дириэктэрэ Максим Витальевич Гуляев иһитиннэрэр. Онон быйылгы баһаартан сэрэхтээх буолуу кэмин улахан сүтүгэ суох аһарарга ойуур ресурсатын үлэһиттэрэ бигэ эрэллээхтэр.

Түҥ былыргыттан саха омук тыаны кытта алтыһан кэлбитэ. Ол эрээри, кэнники сылларга  ойуур баһаара киһи содулуттан тахсара үксээтэ. Сынньана, кустуу  сылдьан айылҕаҕа харыстабыла суох сыһыантан кэккэ улуустарга баһаар буолуталаан эрэр.

Ааптар: Айаал МОЛОКОТИН

Добавить комментарий

Ваш e-mail не будет опубликован. Обязательные поля помечены *