Бүгүҥҥүттэн ХИФУ докумуоннары тутан саҕалаата

М.К.Аммосов аатынан Хотугулуу-Илиҥҥи федеральнай университет 2019-2020 үөрэх дьылыгар бүгүҥҥүттэн, бэс ыйын 20 күнүттэн, докумуоннары тутан саҕалаата. Штаб Кулаковскай аатынан уулусса 42 №-дээх дьиэтигэр — университет сүрүн үөрэтэр куорпуһугар (Главный учебный корпус) олохтонно.

edersaas.ru


Ханнык докумуоннар ирдэнэллэрий?

ХИФУ туттарсарга маннык докумуоннар ирдэнэллэр:

  1. Пааспар куоппуйата (булгуччу)
  2. Аттестат/диплом куоппуйата эбэтэр дьиҥнээҕэ (булгуччу)
  3. Мэдисиинискэй ыспыраапка (086у/302н) куоппуйата эбэтэр дьиҥнээҕэ
  4. Быһыы (прививка) туһунан сэртипикээт куоппуйата
  5. Хаартыска 3х4 кээмэйдээх 4 устуука
  6. ИНН куоппуйата
  7. СНИЛС куоппуйата
  8. Байыаннай билиэт/приписной дастабырыанньа куоппуйата

Ону таһынан баар буоллаҕына:

  1. Тус сыаллаах үөрэниигэ (о целевом обучении) дуогабар куоппуйата (өскөтүн тус сыаллаах квотанан үөрэххэ киирэр түгэҥҥэ)
  2. Туспа быраабынан туттарсыыны туоһулуур докумуоннар (инбэлиит оҕолор, I уонна II группалаах инбэлииттэр, оҕо эрдэхтэриттэн инбэлииттэр, байыаннай оһол эбэтэр байыаннай сулууспа кэмигэр ыалдьан инбэлиит буолбут дьон, тулаайах оҕолор уонна төрөппүт көрүүтэ суох хаалбыт оҕолор, о.д.а.)
  3. Тус ситиһиини бигэргэтэр докумуоннар.

 

Докумуону тутуу болдьоҕо

  1. Бакалавриат уонна специалитет бүддьүөккэ миэстэлэригэр ХИФУ бэйэтин тургутууларын ааһан үөрэххэ киирэр дьон докумуонун от ыйын 10 күнүгэр диэри туталлар.
  2. Бүддьүөт миэстэтигэр биир кэлим эксээмэн (ЕГЭ) эрэ түмүгүнэн киирээччилэртэн от ыйын 26 күнүгэр диэри ылаллар.
  3. Магистратураҕа бүддьүөт миэстэтигэр докумуоннаргытын от ыйын 19 күнүгэр диэри туттарыаххытын сөп.
  4. Бакалавриакка, специалитекка уонна магистратураҕа кэтэхтэн (заочно) төлөбүрдээххэ туттарсааччылар алтынньы 11 күнүгэр диэри биэриэххитин сөп.
  5. ХИФУ орто анал үөрэҕин (СПО) бүддьүөт уонна төлөбүрдээх миэстэлэригэр аттестатынан киирээччилэртэн докумуоннарын атырдьах ыйын 15 күнүгэр диэри ылаллар.
  6. Аспирантура бүддьүөт уонна төлөбүрдээх миэстэлэригэр от ыйын 1-21 күннэригэр, ординатураҕа – от ыйыгар толору туталлар.

 

Ыйытыылааххын – туоһулас

Үөрэххэ туттарсыы саҕана абитуриеннар, төрөппүттэр үгүс ыйытыылаах буолаллар. Маннык түгэҥҥэ чопчу хоруйу ыла охсор уустук буолар. Кимиэхэ, ханна төлөпүөннүүбүт? Быйыл +7-4112-25-11-22 нүөмэргэ төлөпүөннээн интэриэһиргиир ыйытыыларгытын биэрэн, барытыгар сиһилии хоруйдары ылыаххытын сөп. Итини таһынан, +7 914 270-99-80 батсаап (!!!) нүөмэринэн ыйытыыгытын ыыттаххытына эмиэ хоруйдуохтара. Онон «үһү» диэн ким эрэ этиитигэр сигэммэккэ, сурах хоту олорбокко ыйытыыларгын ыйыллыбыт нүөмэрдэринэн биэр.

 

Бэлэмнээтэ Людмила ПОПОВА, “Саха сирэ” хаһыат, edersaas.ru

Хаартыска: ХИФУ саайтыттан

0
0

Добавить комментарий