Аллыҥаҕа көлүөнэлэр күрэхтэстилэр

Сэтинньи 9 күнүгэр Аллыҥа нэһилиэгин Х.Николаева аатынан култуура киинигэр көлүөнэлэринэн күөн-күрэс буолла.


Нэһилиэк аҕам саастаахтара Франция сирин олохтоохторун көрдөрдүлэр. Орто саастаахтар Казахстан, Испания, Индия, Япония, Корея, Украина, нуучча, эбэҥки, саха омуктара буоллулар, оттон ыччат Америка ковбойдарын көрдөрдө. Тэрээһин култуура киинин уус-уран салайааччыта Марта Чирикова Тоҕус мэҥэ хамсаныытыгар көрөөччү, кыттааччы кыттыытынан арылынна.


Күөн-күрэс биэс түһүмэҕин түмүгүнэн 3 миэстэ ковбойдар, иккис — араас дойду омуктара уонна кыайыылаах Франциялар буоллулар.


Бу тэрээһин кыттыылаахтара «Биһиги бу омук сиригэр кэлэн олоробут дуо?» диэн санааны хас биирдии көрөөччүгэ тириэртилэр. Онон кыттааччылар, көрөөччүлэр олохтоох кулууп үлэһиттэригэр сэргэх тэрээһин иһин махталларын тириэрдэллэр.

Ааптар: Юлия АЛЕКСЕЕВА