Павел Харитонов-Ойуку — Саха сирин норуодунай суруйааччыта

Бу күннэргэ Хаҥалас улууһун убаастанар киһитэ, бэйиэт, прозаик, кириитик уонна уопсастыбанньык Павел Харитоновка-Ойукуга Ил Дархан Айсен Николаев ыйааҕынан «СӨ норуодунай суруйааччыта» бочуоттаах аат иҥэрилиннэ.

edersaas.ru

Суруйааччы Павел Харитоновы-Ойукуну биир дойдулаахтара үөрүүлээх быһыыга-майгыга чиэстээтилэр.

Бу бүтүн улуус үрдүнэн суолталаах бэлиэ күн. Павел Николаевич улууска бастыкынан маннык улахан бочуоттаах аакка тигистэ. Кини бэйэтин айымньытынан төрөөбүт дойдутун эрэ туһугар буолбакка, өрөспүүбүлүкэ сайдыытыгар кытта сүҥкэн кылаатын киллэрдэ.

Павел Харитонов-Ойуку айымньыларынан саха норуотун устуоруйатын үөрэтиэхтэрэ, — диэн Хаҥалас улууһун баһылыгын э.т. Федор Борисов бэлиэтээтэ.

Улуус дьаһалтатын пресс-сулууспата иһитиннэрбитинэн, СӨ норуодунай суруйааччытынан буолбут үөрүүлээх бэлиэ күнүнэн Павел Харитоновы-Ойукуну СӨ Аҕа баһылыгын уонна бырабыыталыстыба дьаһалтатын салайааччыта Афанасий Владимиров, СӨ Конституционнай суутун бэрэссэдээтэлэ Александр Ким-Кимэн, «Сахатранснефтегаз» АУо генеральнай дириэктэрин сүбэһитэ Александр Добрянцев эҕэрдэлээтилэр.

Павел Харитонов-Ойуку биир дойдулаахтарыгар барҕа махталын тиэртэ.

Елена ПОТОЦКАЯ, «Саха сирэ» хаһыат, edersaas.ru

0
0

Сообщение Павел Харитонов-Ойуку — Саха сирин норуодунай суруйааччыта появились сначала на Эдэр Саас.