Дьокуускайга А.Е.Кулаковскай аатынан норуоттар доҕордоһууларын дьиэтигэр аан бастаан бэрт сонун аахсыйа тэриллэр. Бу туһунан пресс-сулууспаттан иһитиннэрдилэр.
РФ Арассыыйа киинэтин күнүн чэрчитинэн, «Арассыыйа» киинэ саалатыгар атырдьах ыйын 24 күнүгэр киинэлэр киэһээ 20.00 чаастан саҕалаан «Домовой», «Балканский рубеж» уонна «Полицейский с Рублевки. Новогодний беспредел» киинэлэр босхо көрдөрүллэллэр. Кэлиҥ, сылдьыҥ, көрүҥ, санааҕытын үллэстиҥ диэн ыҥыраллар.
«Домовой» режиссера Евгений Бедарев. Киинэ премьерата Арассыыйаҕа 2019 сыл муус устар 11 күнүгэр буолбута.
«Балканский рубеж» байыаннай-драматическай боевик. Режиссер Андрей Волгин.
«Полицейский с Рублевки. Новогодний беспредел» толору метражтаах уус-уран киинэ 2018 сыллаахха уһуллубут.
Киинэлэр А.Е.Кулаковскай аатынан норуоттар доҕордоһууларын дьиэтигэр, атырдьах ыйын 24 күнүгэр киэһээ 20.00 чаастан түүн 24.00 ч.диэри буолаллар.
0
0