Суордаах нэһилиэгэр успуорт былаһааккатын арыйдылар
Суордаах нэһилиэгэр бу күннэргэ успуорт былаһаакката арыллар дьоро түгэнэ тосхойдо. Кэскиллээх тутуу олоххо киирэн олохтоохтор үөрүүлэрэ үтүмэн.
Суордаахха күүтүүлээх успуорт былаһааккатын арыллыытын сиэрэ-туома ыытылынна. Саҥа былааһаккаҕа футбол, волейбол, баскетбол оонньуурга табыгастаах усулуобуйа тэриллибит. Эти-хааны эрчийэр араас тренажердары туруорбуттар.
Маны сэргэ олохтоох дьаһалта бүддьүөтүттэн уулуссаны сырдатыыга үп көрүллүбүтэ. Урут уота суох уулуссаларга эбии уот ситимнэрэ тардыллан бөһүөлэк сырдаата.
Ааптар: «Вести Верхоянья» хаһыат