Быйылгы кураан сайын баһаардарын буруотуттан сылтаан Табалаахха социальнай рейстэр көтүүлэрэ аҕыйах. Ол да буоллар дьон айаны тохтоппоттор, сиринэн айанныыллар, өҥөнү оҥорор чааһынай таксистар быыстала суох сылдьаллар.
«27 рейс оҥоһуллуохтааҕыттан, билиҥҥи туругунан 8 рейс эрэ оҥоһуллан турар. Халлаан туруга тубустаҕына, мантан антах, 19 рейс былаан быһыытынан оҥоһуллуоҕа«, — диэн сырдатар «Дьааҥы оройуона» МТ баһылыгын солбуйааччы М.И. Осипов.
Табалаахтан Петр Стручков айанньыттары сиринэн Адыаччы өрүс биэрэгэр диэри аҕалар. Эрдэ кэпсэтии быһыытынан, Александр Ксенофонтов бу кэлбит дьону көрсөн, Адыаччы өрүһү уу мотуорунан туоратан, салгыы массыынанан Баатаҕайга диэри таһар. Табалаахтар «Уолаттар айан дьонун сиринэн таһан абырыыллар«, — диэн махтаналлар.
Ааптар: Раиса Чирикова