Быйыл кулун тутар ыйга “Амарах сүрэх” аахсыйа чэрчитинэн Света Протопоповаҕа көмө харчыны хомуйуу саҕаламмыта. Алта саастаах кыракый кыыс “злокачественное новообразование ствола мозга” диэн ыарахан ыарыыттан эмтэнэ сытар. Бу күннэргэ эмтэнэригэр эбии үп-харчы наада буолла.
Кулун тутар ыйга Света Дьокуускай куоракка онкологическай отделениеҕа киирбитэ. Икки ый сытан баран кини ийэтин кытта Израильга Шиба куоракка көппүттэрэ. Кыыс уһуннук эмтэниэхтээҕэ. Онно эмтэниитин сыаната кыччаабыта 7 000 000 солкуобай этэ. Света төрөппүттэрэ өрөсрүүбүлүкэ олохтоохторуттан иһитиннэрэр-биллэрэр маассабай сириэстибэлэр нөҥүө көмө көрдөөбүттэрэ.
Икки ый иһигэр “Амарах сүрэх” үтүө санаа аахсыйа Саха сирин олохтоохторун түмэн, Света эмтэниитигэр 5 777 104 солкуобайы хомуйбуттара. Кыысчаан төрөппүттэрэ үп-харчы эмтэниигэ тиийиэ диэн көмө харчы хомуйуутун тохтоппуттара.
Ийэтэ Александра Протопопова кэпсииринэн, оҕото лучевой терапия куурсун барытын ааспыт. Ол гынан баран, от ыйын 17 күнүгэр доруобуйатын туруга эмискэ мөлтөөбүт, суһал эпэрээссийэ наада буолбут. Ол түмүгэр, онно үп-харчы эбии наада буолан турбут. “Өрөбүл күннэргэ Светаны интенсивнэй терапия отделениетыттан хирургическайга көһөрөллөр. Бүгүн кинини нейрохирург уонна онколог быраастар көрүөхтээхтэр. Саха сирин олохтоохторо биһиги кыыспытыгар күүс-көмө буоларгытыгар көрдөһөбүт”, — диир ийэ барахсан. Бүгүҥҥү күҥҥэ эбии 650 тыһыынча харчы эбии наада.
“Амарах сүрэх» аахсыйаны тэрийээччилэр уонна Света төрөппүттэрэ Саха сирин олохтоохторо кыысчааҥҥа наадалаах үбү буларга көмөлөһүөхтэрэ диэн эрэнэллэр.
Көмө харчыны ыытарга реквизиттэр:
Протопопова Александра Руслановна аатыгар.
Сбербанк: 40817810276060021640
Каарта нүөмэрэ: 4279 3610 0447 5747
Мобильнай баан: + 7 (914) 292-68-82
Протопопов Сергей Васильевич аатыгар.
Сбербанк: 40817810576000604727
Каарта нүөмэрэ: 4276 7603 5611 7810
Мобильнай баан: + 7 (964) 423-65-75
Афанасий НОЕВ,»Саха сирэ» хаһыат, edersaas.ru