media
Эбээн Бытантай улууһун Түгэһиир нэһилиэгэр тэрилтэлэр икки ардыларыгар улуустааҕы спартакиада 16-с төгүлүн тэриллэр. Түмүктүүр күрэхтэһиинэн пневматическай саанан сыал ытыы буолла.
Эбээн Бытантай улууһугар сылын аайы ыытыллар улуустааҕы спартакиадаҕа пневматическай саанан сыалы ытыы быйыл эбиллэн биэрбитэ. Манна хас тэрилтэ аайыттан икки эр дьон, икки дьахтар, ону таһынан бары тус-туһунан пневматическай саалаах буолуохтаахтар. 10 уонна 20 миэтэрэҕэ биирдии дьахтар, эр киһи кыттар диэн араарбыттар.
Сэтинньи 9 чыыһылатыгар, сарсыарда 10 чаастан, сылы түмүктүүр күрэхпит буолбута, тэрилтэлэр үксүлэрэ көхтөөх кыттыыны ыланнар, бэрт интэриэһинэй, сэргэх күөн көрсүһүү ааста.
Уопсайа 12 тэрилтэ баарыттан, 9 хамаанда кыттыыны ылла: «Авиатор», «Көмүскэл», «Дьулурҕан», «Эрэл», «Харысхал», «Чэбдик», «Энергия», «Кустуур», «Чолбон». Күрэхтэһии оҕо этин-хаанын сайыннарар дьиэтигэр буолла, судьуйанан Абрамов Павел Дмитриевич, Слепцов Алексей Ильич, Саввинов Дмитрий Олегович, Стручков Василий Васильевич үлэлээтилэр, барытын көрөн-истэн, быраабылатын быһааран ыыттылар.
Күрэх түмүгэр «Авиатор» уонна «Көмүскэл» хамаандалара тэбис-тэҥ очукуоланан хааланнар, хаачыстыбаларын көрөннөр, «Авиатор» хамаандата бастакы миэстэни ылла, үһүс бочуоттаах миэстэҕэ «Дьулурҕан» таҕыста.
Үчүгэй көрдөрүүлээх ытааччылар эмиэ болҕомтоҕо ылылыннылар. 10 миэтэрэҕэ ытыыга эр дьоҥҥо бастакы миэстэни Виктор Обутов «Авиатор» хамаанда, иккис миэстэ Герман Ефимов «Көмүскэл» хамаанда, үһүс миэстэ Афанасий Рожин «Чолбон» хамаанда буоллулар. Дьахталларга бастакы миэстэ Анна Мохчогорова «Дьулурҕан» хамаанда, иккис миэстэ Сардана Стручкова «Энергия» хамаанда, үһүс миэстэ Федора Шадрина «Көмүскэл» хамаанда таҕыстылар.
20 миэтэрэҕэ ытыыга эр дьоҥҥо бастакы миэстэ Егор Ефимов «Көмүскэл» хамаанда, иккис миэстэ Константин Горохов «Харысхал» хамаанда, үһүс миэстэ Иван Жирков «Авиатор» хамаанда ыллылар. Дьахталларга бастакы миэстэ Марианна Слепцова «Авиатор» хамаанда, икки миэстэ Василиса Горохова «Көмүскэл» хамаанда, үһүс миэстэ Туяна Сыроватская «Харысхал» хамаанда тигистилэр.
Күрэхтэһии түмүгүн улуус баһылыгын солбуйааччыта Раиса Дмитриевна Старостина эҕэрдэлээн, киирии тыл этэн баран биллэрдэ. Мэтээллэри, грамоталары миэстэлэспит спортсменнарга туттартаата.
Ааптар: Марианна Слепцова
