Сарсын, ахсынньы 20 күнүгэр, Амма сэлиэнньэтигэр аатырбыт бөҕөс Николай Захаров-Сахаачча төрөөбүтэ 70 сылыгар анаммыт көҥүл тустууга өрөспүүбүлүкэтээҕи турнир ыытыллар.
Күрэхтэһиигэ 16-23 саастаах Саха сирин кэскиллээх эдэр бөҕөстөрө кыттыахтара.
Турнир UWW быраабылатынан үс ыйааһынынан — 62, 67 уонна 76 киилэҕэ диэри – ыытыллыаҕа. Кыайыылаахтара 30 тыһыынча, иккис, үһүс буолбуттар туһааннааҕынан 20, 10 тыһыынча солкуобайынан биһирэниэхтэрэ.
Амма түһүлгэтигэр биллэр-көстөр бөҕөстөрбүт — Эдуард Григорьев, Герман Устинов, Иван Ефремов, ини-бии Копыловтар, Семен Владимиров уонна да атыттар кытталлара күүтүллэр.
Роман Попов, edersaas.ru
0
0