mediaБыыбары бэлэмнээн, тэрийэн ыытыы халандаарынай былаанын быһыытынан, ыраах сытар, мөлтөх суоллаах-иистээх сирдэргэ, балыктыыр учаастактарга, таба ыстаадаларыгар, ыраах бириискэлэргэ болдьоҕун иннинэ куоластааһын быыбар буолуо сүүрбэ хонук инниттэн тэриллиэхтээх.
edersaas.ru
Буолаары турар быыбарга болдьоҕун иннинэ куоластааһын атырдьах ыйын 18 күнүттэн саҕаланна. Муниципальнай таһымнаах быыбардар буолалларынан, улуустар бэйэлэрэ үбүлээн уонна кыраапык оҥороннор, быыбардыыр ууруналары Аллараа Халыма улууһун табаһыттарыгар бөртөлүөтүнэн, оттон Аллайыаха, Орто Халыма, Өлүөхүмэ уонна Нерюнгри улуустарыгар ыраах учаастактарга олорор быыбардааччыларга массыынанан, уу суолунан тиэрдиэхтэрэ.
Маны таһынан, туох эмэ биричиинэнэн балаҕан ыйын 8 күнүгэр кыайан быыбардаабат дьон сайабылыанньа биэрэннэр, атырдьах ыйын 28 күнүттэн тустаах уокуруктарынан болдьоҕун иннинэ быыбардыахтарын сөп.
Раиса Сибирякова, «Саха сирэ» хаһыат, edersaas.ru
0
0
