Нерюнгрилар дьокутааттарын талыыга көһүүннэр

Саха Өрөспүүбүлүкэтин Киин быыбардыыр хамыыһыйата киэһэ 6 чаастаах чахчыны таһаарда.

edersaas.ru

Улуус баһылыгын талар улуустарга көрдөрүү маннык: Аллайыахаҕа быыбардааччы 45,42 бырыһыана, Аллараа Халыма улууһугар 44,42 бырыһыана, Өлүөхүмэ улууһугар 36,01 бырыһыана, Жатай бөһүөлэгэр 30,99 бырыһыана куоластаабыттар.

Дьаһалта баһылыктарын быыбарыгар кыттыы ханна даҕаны син көхтөөх буоллаҕына, дьокутааттары талыыга дьон соччо тиэтэйбэт эбит. Холобур, оройуон Сэбиэтин дьокутаатын эбии талыыга Мэҥэ Хаҥаласка куоластыахтаах 2422 киһиттэн 20,93 бырыһыана, Дьааҥыга 390 киһиттэн 13,33 бырыһыана, Нерюнгрига 55 тыһыынча 337 киһиттэн 7 бырыһыана эрэ быыбардыыр учаастактарга кэлбиттэр.

Раиса Сибирякова, «Саха сирэ» edersaas.ru