Дьокуускайга А.Е.Кулаковскай аатынан норуоттар доҕордоһууларын дьиэтигэр сэтинньи 1 күнүгэр «Этнокраса» норуоттар икки ардыларынааҕы куонкурус иккис төгүлүн ыытыллыа. Бу туһунан норуоттар доҕордоһууларын дьиэтин пресс-сулууспата иһитиннэрэр.
Элбэх доҕордуу норуоттаах Саха сирин кэрэ кыргыттара күөн күрэскэ дьоҕурдарын, сатабылларын бар дьон иннигэр билиһиннэриэхтэрэ, хас биирдии кыттааччы бэйэтин өбүгэтин үгэһин төһө билэрин көрдөрүө.
Норуоттар доҕордоһууларын дьиэтин култуураҕа киинин салайар, куонкуруһу тэрийэрИрина Стрекаловская быйылгы куонкурус СӨ норуоттар сомоҕолоһууларын, Саха сирин норуоттарын ассамблеятын 25 сылыгар, норуоттар доҕордоһууларын дьиэтин 40-с айар сезонун арыллыытыгар ананарын этэр.
—Барыта 15 кыыс күөн көрсүөҕэ. Кыргыттар норуоттарын култууратын, үгэһин, сиэрин-туомун билиһиннэриэхтэрэ. Национальнай көстүүмүнэн хаамыахтар. Түмүккэ Галина Ненашева «Любите Россию» ырыатын ыллыахтара. Бэртээхэй ырыа-тойук, үҥкүү-битии куонкуруһу ситэрэн-хоторон биэриэхтэрэ, — диэн эттэ.
Сүрүн хаартыска: интэриниэттэн ылылынна