Ньурба улууһун Бордоҥ нэһилиэгэр нэдиэлэни быһа Сомоҕолоһуу күнүн чэрчитинэн бэрт тэрээһиннэр буолан аастылар. Ол курдук асчыт хаһаайкалар туорт оҥорууга күрэхтэстилэр, айар куттаахтар эҕэрдэ кэнсиэртэрин бэлэхтээтилэр, онтон депутаттар, эдэр ыччат аҕам саастаахтарга мастарын хайытан саһааннаан биэрдилэр.
Бырааһынньыгы Маалыкайдааҕы «Айар Киин» норуот айымньытын дьиэтин үлэһиттэрэ иилээн-саҕалаан, тэрийэн ыыттылар. Биирдиилээн дьоҥҥо “Минньигэстэн минньигэс торт” диэн «Сомоҕолоһуу» тиэмэтигэр туорт оҥоруу быыстапка-күрэҕэ биллэриллибитэ. Уопсайа 5 киһи кыттыыны ылбыта: Андреева Татьяна Николаевна, Аммосова Алена Аммосовна, Иванова Татьяна Семеновна, Сидорова Маргарита Николаевна уонна Соловьева Мария Елисеевна. Кыттааччылар доҕордоһууга, истиҥ сыһыаҥҥа сөп түбэһэр көрүҥнээх , мастиканан араас фигура оҥоһуктардаах, кириэминэн дьэрэкээн ойуулаах, ураты уонна амтаннара бииртэн-биир минньигэс туортары оҥорон аҕалбыттара. Дьүүллүүр сүбэ кыайыылааҕы быһаарарыгар инньэ гынан уустук этэ.
Дьүүллүүр сүбэ састаабыгар Иван Семенович Харитонов — «Айар Киин» норуот айар дьиэтин уус-уран салайааччыта, Александра Анатольевна Ушканова — Маалыкайдааҕы орто оскуола технология уруогун учуутала уонна Иванова Алена Вальеревна — Маалыкай оскуолатын повара үлэлээтилэр.
Күрэх түмүгүнэн 1 миэстэ – Соловьева Мария Елисеевна («Хозяюшка» маҕаһыынтан 3000 тыһ.солк. сертификат); 2 миэстэ – Андреева Татьяна Николаевна (2000 тыһ.солк. сертификат); 3 миэстэ – Иванова Татьяна Семеновна (1000 тыһ.солк. сертификат) буоллулар.
Күрэҕи таһынан Маалыкайдааҕы орто оскуола делопроизводителэ Аммосова Алена Аммосовна уонна кини “WorldSkills”-ка бэлэмнээн 4 миэстэни ылбыт Маалыкайдааҕы орто оскуола 8 кылаас үөрэнээччитэ Лыткина Юлиана буоланнар «Нежность» бискибиит туорду оҥорууга маастар-кылааһы ыыппыттара. Туортара аукциоҥҥа 660 солк. атыыламмыта.
Киэһэтин «Бары бииргэ – БИИР СОМОҔО» кэнсиэр үгүс көрөөччүнү түмпүтэ. Кыттыыны ылбыттара: Анидора Игнатьевна Иннокентьева салайааччылаах «Сыккыс» ырыа ансаамбыл кырачаан ырыаһыттара, Луиза Ивановна Яковлева салайаааччылаах «Дьиэрэй» фольклор ансаамбыла, «Ситим» ыччат үҥкүү ансаамбыла («Оһуохай», «Татарскай» үҥкүүлэр), ону таһынан «Ситим» ыччат хомусчуттара Нарыйа Анисимова, Таня Платонова, ылбаҕай ырыаларынан Ариан Егорович Егоров уонна Николай Тимофеевич Григорьев киэргэппиттэ. Бу күн «Биир тэтим» сынньалаҥ киэһэтинэн түмүктэммитэ.
Ону тэҥэ нэдиэлэни быһа Сомоҕолоһуу күнүн чэрчитинэн нэһилиэк депутаттарын сэбиэтин бэрэссэдээтэлэ Прокопий Юрьевич Степанов салалталаах нэһилиэк депутаттара буоланнар Николай Наумович Николаевка мас хайытан саһаан туруорбуттара. Ыччат түмсүүтүн лидерэ Ушканов Артем, Донской Самуил, Анисимов Сергей буолан Светлана Егоровна Григорьеваҕа 1 бырысыап маһы хайыппыттара, ону таһынан Анастасия Матвеевна Ивановаҕа баанньыгын сылаас буоларын курдук бүрүйэн биэрбиттэрэ.
Ааптар: Элиза Стручкова.