Саха сирин Ил Дархана Айсен Николаев социальнай ситимҥэ Арассыыйа бэрэсидьиэнэ Өлүөнэ муостатын тутуу бырайыагын өйөөтө диэн иһитиннэрдэ.
«Өлүөнэ муостатын тутуутун туһунан санааларбын уонна этиилэрбин бэрэсидьиэн Владимир Путины көрсөммүн эттим», — диэн Instagram-ҥа сирэйигэр Ил Дархан Айсен Николаев суруйбут.
Айсен Николаев ааспыт сыл устата улахан үлэ барбытын иһитиннэрдэ — муоста тутуутун бырайыага бэлэм. Федеральнай министиэристибэлэр өйүүллэр, трасса ааһар ньымата биллэр, үлэлэһиэхтээх инвестордары кытта кэпсэтии бара турар.
«Владимир Владимирович бэлиэтииринэн, бырайыак олоххо киирэр кэмэ кэлбит. Кини РФ бырабыыталыстыбатын бэрэссэдээтэлигэр Дмитрий Медведевкэ муоста тутулларыгар этиилэри киллэрэригэр сорудахтаата«, — диэн Айсен Сергеевич ситимҥэ суруйбут уонна бүтүн норуот аатыттан махталын тиэрдибит. «Өлүөнэ муостата тутуллуоҕа!» — диэн Айсен Николаев түмүккэ бэлиэтээбит.
edersaas.ru
Хаартыска интэриниэттэн уонна
Айсен Николаев «Инстаграмҥа» сирэйиттэн.