Москваҕа сэтинньи 23 күнүгэр буолуохтаах «Биир ньыгыл Арассыыйа» баартыйа XIX сийиэһигэр Саха сириттэн дэлэгээттэри таллылар. Маныаха ааспыт нэдиэлэҕэ кэмпириэнсийэ ыытыллыбыта.
Онно СӨ Ил Дархана, баартыйа Саха сирин эрэгийиэннээҕи салаатын сэкирэтээрэ Айсен Николаев, СӨ Ил Түмэн бэрэссэдээтэлэ Петр Гоголев, баартыйа бэрэссэдээтэлин Дмитрий Медведев эрэгийиэннээҕи уопсастыбаннай приемнайын салайааччы, эрэгийиэннээҕи бэлитиичэскэй сэбиэт чилиэнэ, Ил Түмэҥҥэ Хотугу аҕыйах ахсааннаах омуктар боппуруостарыгар уонна Арктика дыалаларыгар бастайааннай кэмитиэт бэрэссэдээтэлэ Елена Голомарева, эрэгийиэннээҕи бэлитиичэскэй сэбиэт президиумун чилиэнэ, Ил Түмэҥҥэ “Биир ньыгыл Арассыыйа” фракцияны салайааччы Антонина Григорьева, эрэгийиэннээҕи бэлитиичэскэй сэбиэт президиумун чилиэнэ, ХИФУ проректора Александр Ильин, «НерюнгриРемСтрой» дириэктэрэ Александр Кошуков, Дьокуускай куорат Дууматын бэрэссэдээтэлэ Альберт Семенов, СӨ үлэ уонна социальнай сайдыы министиэристибэтин Муоматааҕы социальнай көмүскэл салалтатын учуутала Людмила Тимофеева, “Сунтаар нэһилиэгэ” МТ баһылыга Эдуард Филиппов, Р.Г. Васильев аатынан Мэҥэ Хаҥаластааҕы кыраайы үөрэтэр мусуой дириэктэрэ Зоя Шарина киирдилэр.
Бу кэмпириэнсийэҕэ «Биир ньыгыл Арассыыйа» баартыйа Саха сиринээҕи салаатын сэкирэтээринэн Ил Дархан Айсен Николаев талылынна. Сийиэскэ баартыйа инники соруктарын быһаарсыахтара.
Ньургуйаана Иванова, edersaas.ru