Сэтинньи 18 күнүн киэһээтигэр, “Триумф” спорт комплексыгар, дойду кииниттэн кэлбит үтүө сонун, Дьокуускай куорат олохтоохторун “Үөрүү оһуохайыгар” муста. Өрөспүүбүлүкэбит Ил Дархана Айсен Николаев өр сылларга күүтүллүбүт Өлүөнэни туоруур муостаны тутуу бырайыага сөбүлэһиини ааспытын туһунан биллэрбитэ. Арассыыйа бэрэсидьиэнэ Владимир Путин муоста тутуллар кэмэ кэлбитин туһунан сөбүлэҥин биллэрэн, дойдубут бырабыыталыстыбатын бэрэссэдээтэлигэр Дмитрий Медведевка, бу бырайыагы олоххо киллэриигэ үлэни саҕалыырга сорудахтаабыт. Айсен Сергеевич муоста тутуута 2020 сылтан саҕаланан, 2025 сылга диэри тутуллан бүтүөхтээҕин туһунан эрэлин биллэрдэ.
Егор Карпов, ааптар хаартыскалара, edersaas.ru
